«Çÿп-çап» операторĕсене техника туянма пулăшаççĕ

ТКО тыткаланакан регоператорсене тата вĕсемпе подряд договорĕсем тунă предприятисене каяш турттарма ятарлă техника туянма субсиди параççĕ. Заявленисем йышăнма пуçлани пирки ПР Çутçанталăкпа усă курас тата экологи министерстви пĕлтернĕ.

Республика бюджетĕнчен пулăшу икĕ самантра пама пултараççĕ. Енчен те оператор техника туянать пулсан, ăна унăн хакĕнчен 40 процентне саплаштараççĕ. Енчен те предприяти ăна лизингпа илет пулсан, вăл малтанхи взнос сумминчен 100 процентне (анчах договор хакĕнчен 40 процентĕнчен ытла мар) саплаштарассине кĕтме пултарать.

Юридика сăпачĕсене тата уйрăм предпринимательсене енчен те вĕсем техникăпа республика территорийĕнче кăна каяш турттарма усă курсан çеç субсиди параççĕ. Кунсăр пуçне вĕсен налуксемпе бюджет инвестицийĕсем тăрăх парăм пулмалла мар.

ufaved.info