Регоператорсем ТКО сферинчи инфратытăма малалла аталантараççĕ

Объекта хута ямалли срок — 2020 çул вĕçĕ. Комплексра çулталăкне 100 тонна çÿп-çап ĕçлесе хатĕрлемелле. Ăна ку чухнехи «Грохот» тата «Шредер» системăсемпе оборудованиленĕ, вĕсенчен пĕри органикăна аллама пултарать, çавна май каяшсен 30 % яхăнăшĕ тепĕр хут усă курмалли ресурса çаврăнать, тепри — пысăк калăпăшлă çÿп-çапа вакласа турать.

Каяшсемпе тыткаланмалли территори схемипе килĕшÿллĕн, Давлекан районĕнче те çулталăкне 40 пин тонна каяш сортлакан çÿп-çап комплексĕ тумалла. Хальхи вăхăтра «Экология Т» ООО регион операторĕ строительство валли çĕр лаптăкĕ илнĕ, проектпа смета документацине хатĕрлеççĕ.

Белебей районĕнче те çÿп-çап сортлакан комплекс тăвассипе ĕç пуçланă, хальхи вăхăтра комплекса вырнаçтармалли çĕр лаптăкне регистрацие тăратаççĕ.

— ТКО сферинчи инфратытăма малалла аталантарни çĕр айне пытаракан каяшсен калăпăшне палăрмаллах чакарма май парать, экологие лайăхлатать, «Экологи» наци проекчĕн «Формирование комплексной системы обращения с твердыми коммунальными отходами» регион проекчĕн кăтартăвĕсене самай лайăхлатма пулăшмалла, — палăртса хăварнă ПР çутçанталăкпа усă курас тата экологи министрĕн çумĕ Нияз Фазылов.

ПР Экологи министерствин пресс-служби.