Ҫамрӑк ҫемье хӑйӗн ӗҫне уҫас тесе Мускав облаҫӗнчен Пушкăртстана куҫса килнĕ

Андрейпе Надежда Дунаевсем Мускав облаҫӗнчен Пушкӑртстана ӗмӗтне пурнаçлас тесе килнӗ.
Мӑшӑр ҫемье йӑлине малалла тӑсма шут тытнӑ та тӑватӑ ҫул каялла сӗтел-пукан хатӗрлеме тытӑннӑ. Йывӑҫ ӗҫӗпе кӑсӑкланма Андрейăн аслашшӗ тытӑннă, вăл хӑйӗн ӑсталӑхне ывӑлӗсемпе мӑнукне панӑ. Андрей Мускав облаҫӗнче, Сергиев-Посад районӗнче ҫуралса ӳснӗ, унта колледж пӗтернӗ, йывӑҫран тăвакан производство технологӗн специальноҫне илнӗ. Арҫын сӗтел-пукан тума эскизран пуҫласа хатӗр пуличен япаласем тума вӗреннӗ, ÿкерсе илемлетме (роспись) вĕреннĕ.
Мускав облаҫӗнче ҫемье нумай хваттерлӗ ҫуртӑн вуннӑмӗш этажӗнче пурӑннӑ. Хăйсен ҫурт-йӗрĕпе явӑҫма бюджет ирӗк паман. Вара Пушкӑртстанра, Надежда çуралса ÿснĕ Давлекан районӗнче ҫӗр лаптӑкӗ туянас шухӑш ҫуралнă. Мăшăрсем ҫурт ларнă, мастерской уçнă, станоксемпе инструментсем туянма тӑванӗсем пулӑшнӑ. Производство ӳсме пуҫласан хушма оборудовани кирлӗ пулнӑ. Ăна вĕсем "Пушкӑртстан Республикинчи ӗҫ рынокне йӗркелесси тата халӑха ӗҫпе тивӗҫтересси" регионти программăпа "Демографи" наци проекчӗн шайӗнче паракан пӗр вӑхӑтрах тӳлевпе туяннă.
"МГ" информацийĕпе.