"Агростартап" гранта пула Абзелил районĕнчи фермер выльӑх-чӗрлӗх ӗҫӗнче бизнесне ҫирӗплетме пултарнӑ

Абзелил район администрацийӗнче йывӑрлӑхсенчен хӑраман пуҫаруллӑ та ӗҫчен ҫынсене пулӑшса тӑраҫҫӗ. Кушеево ялӗнчи ҫамрӑк фермер Ильяс Хибатов та вӑхӑтлӑ пулӑшу илнӗ.
Ильяс Хибатов 2020 ҫулта "Агростартап" программӑна хутшӑннӑ. Ҫак программа "Пӗчӗк тата вӑтам предпринимательлӗх тата уйрӑм предпринимательлӗх пуҫарӑвне пулӑшу парасси" наци проекчӗн шайӗнче пурнӑҫланать тата ял предпринимателӗсене хӑйсен хуҫалӑхне аталантарма пилӗк миллион тенкӗ таранччен грант илме май парать. Бизнес-проекта ӑнӑҫлӑ хӳтӗленӗ май Ильяс виҫӗ миллион тенке яхӑн пулӑшу илнӗ. Ҫак укҫапа пуҫаракан фермер 17 симментал ăратлă пушмаксем, трактор, ЖВП-4,9 жаткă тата погрузчик туянма пултарнӑ. Халӗ вара Хибатовăн хресченпе фермер хуçалахĕнче 68 пуç лаша тата 58 пуç шултра выльăх тӑрать.
"МГ" информацийĕпе.

Сăнÿкерчĕкĕ: abzelil.com сайтран.