Пушкăртстан малти виçĕ регион хушшинче

Пушкӑрт Туризм отраслĕ топ-10 наци рейтингне кӗнӗ, санаторисене сутнӑ путевкӑсен шучӗпе ҫӗршыври курортлӑ мар регионсен хушшинче малта пыракан пулса тӑнӑ. Кун пирки регион правительствин премьер-министрӗ Андрей Назаров Патшалӑх Пухăвӗн 42-мӗш ларӑвӗнче ҫулталӑкри отчетра пӗлтернӗ.

Шалти туризмра Пушкӑрт хӑйне шанчӑклӑн туять – республикӑна Мускавпа, Краснодар крайӗпе, Мускав облаҫӗпе, Санкт-Петербургпа, Крымпа, Тутарстанпа, Свердловскпа, Новгородпа Ростов облаҫӗсемпе тан ҫул ҫӳреме суйласа илеҫҫӗ.

 — мирпутешествий.рф сайтӗнче хӑйсен сӗнӗвӗсене тӑратнӑ ача-пӑча сывлӑхне ҫирӗплетмелли лагерьсен шучӗпе республика Раҫҫейри виҫӗ лидер шутне кӗнӗ, — палӑртнӑ премьер-министр. Ҫавӑнпа та регионта туристсемшӗн кӑмӑллӑрах пултӑр тесе Пушкӑртра кӑҫал ҫул хӗрринчи сервисӑн 150 объектне туса ҫӗнетеҫҫӗ.

- Эпир Уфара Туризм академине йӗркелеме планлатпӑр, вӑл пирӗн турпредпринимательсен сервис пахалӑхне ӳстерме кадр компетенцийӗсен шайне кирлӗ шайра тивӗҫтерме май парать. Кӑҫал "Шифа" ачасен кану центрӗ тата сывлӑха ҫирӗплетмелли лагерь тӑвассине — 20 гектара яхӑн территорире общежитисемпе, вӗренӳ корпусӗсемпе, сменӑра 350 ача валли хӑтлӑх тивӗҫтерекен бассейнлӑ старта пама хатӗрленетпӗр. Проекта бюджет вӑтӑр процентлӑ хутшӑннипе 2,2 миллиард тенке хаклаҫҫӗ, — палӑртрӗ Андрей Назаров.  

https://resbash.ru/news  информацийĕпе.