Пушкӑртстанра 2022 ҫул вӗҫлениччен "Культура" наци проекчӗн шайӗнче 23 объекта юсаса ҫӗнетеҫҫӗ тата тӗпрен юсаҫҫӗ

Пушкӑртстанра 2022 ҫул вӗҫлениччен "Культура" наци проекчӗн шайӗнче 23 объекта юсаса ҫӗнетеҫҫӗ тата тӗпрен юсаҫҫӗ. Вӗсем культура ҫурчӗсем, ял клубӗсем, искусство шкулӗсем, музейсем, культурӑпа кану центрӗсем.
2022 ҫулта хальхи оборудование 27 культура организацийӗ илнӗ, ҫав шутра ача-пӑча музыка шкулӗ тата 10 кинозал. Нацпроекта пурнӑҫланӑ май республикӑра пурӑнакансем хастарланнă. Пушкӑртстан культура мероприятийӗсене çӳренисен шучӗпе ПФОра 1-мĕш вырӑн тата Раҫҫей Федерацийӗнче 5-мĕш вырӑн йышӑнать. Раҫҫей культура министрӗ Ольга Любимова каланӑ тӑрӑх, 2022 ҫулхи ноябрь тӗлне пӗтӗм ҫӗршывӗпе 1 089 культура ҫурчĕ туса лартнӑ, юсаса ҫӗнетнӗ тата тӗпрен юсанӑ. 2025 ҫул тӗлне ҫӗршывра ҫӗнӗ тата ҫӗнетнӗ 1 652 культура ҫурчӗ пулӗ.
МИХ социаллă сетьри страницинчен.