Пелепейре 25-мӗш ТОСЭР резидентне регистрациленнӗ

#наци проекчĕ
Пелепейре 25-мӗш ТОСЭР резидентне регистрациленнӗ, Пушкӑрт Экономика аталанӑвӗн тата инвестици политикин министерствин пресс-службинче пӗлтернӗ.
Раҫҫей экономика аталанӑвӗн министерстви "Небо" ОООна "Белебей" социаллӑ пурнӑҫпа экономика хӑвӑрт аталанакан территорин резиденчӗсен реестрне кӗртнӗ. Компани сад-пахча тата корпус сӗтел-пуканӗсен сериллӗ производствине йӗркелеме 42 млн ытла тенкӗ инвестици хывма палӑртнӑ.
Резидент ТОСЭР проекта 2022-2026 ҫулсенче пурнӑҫлама палӑртнӑ. Производствӑра 20 ӗҫ вырӑнӗ йӗркелӗҫ.
"Маларах ку проекта "Пӗчӗк тата вӑтам предпринимательство тата уйрӑм предпринимательлӗх пуҫарӑвне пулӑшасси" нацпроект шайӗнче иртекен "Предпринимательлӗх сехетӗнче" сӳтсе явнӑ. Бизнес-идейӑсемпе усӑ курас тӗлӗшпе эпир кирек мӗнле пулсан та пулӑшӑпӑр. Малтан ҫӗр лаптӑкне пурнӑҫа кӗртме юрӑхлӑ ыйту татса парӑпӑр. Пирӗншӗн районта ҫӗнӗ производствӑсем уҫӑлни, ҫӗнӗ ӗҫ вырӑнӗсем йӗркеленни пӗлтерӗшлӗ", - тенӗ Пелепей район администрацийӗн пуҫлӑхӗ Азат Сахабиев.
Хушса калӑпӑр, "Пӗчӗк тата вӑтам предпринимательлӗх тата уйрӑм предпринимательлӗх пуҫарӑвне пулӑшасси" наци проектне Раҫҫей Президенчӗ Владимир Путин хушнипе туса хатӗрленӗ.
"Башинформ" информацийĕпе.
Сăнӳкерчӗкĕ: Пушкӑрт экономика аталанӑвӗн министерствин пресс-служби.