Пушкӑртстанри ҫынсен диспансеризацине пула 176 пин ытла чире пуҫласа тупса палӑртнӑ

#наци проекчĕ
Пушкӑрт Республикин Сывлӑх сыхлав министерствинче пӗлтернӗ тӑрӑх, диспансеризаци тата профилактика тӗрӗслевӗсем вӑхӑтӗнче пӗлтӗр пӗрремӗш хут 176,3 пин ытла чир тупса палӑртнӑ.
Пӗрремӗш вырӑнта — юн ҫаврӑнӑшӗн системин чирӗсем, иккӗмӗш вырӑнта - апат-ҫимӗҫ органӗсен чирӗсем. Сывлав органӗсен чирӗсем виҫҫӗмĕш вырăна вӗҫлеҫҫӗ.
Социаллӑ пӗлтерӗшлӗ чирсем хушшинче туберкулезӑн 15 тӗслӗхне, 843 усал çĕнĕ шыçăсене, сахӑр диабечӗн 2465 тӗслӗхне, 3084 чӗре чирне пӗрремӗш хут тупса палӑртнӑ.
Ведомство информацийӗ тӑрӑх, пӗтӗмӗшле илсен, профосмотр тата диспансеризацин пӗрремӗш тапхӑрне регионта 1,285 млн ытла ҫын иртнӗ.
Раҫҫейри мӗнпур ҫынна профилактика медицини тӗрӗслевӗсемпе тивӗҫтересси "Сывлӑх сыхлавӗ" наци проекчӗн тӗллевлӗ кӑтартӑвӗсенчен пӗри пулса тӑрать. 2024 ҫул тӗлне пирӗн ҫӗршывра пурӑнакансен 70 процентран кая мар профилактика медосмотрӗсем иртмелле.
Нацпроект ҫавӑн пекех 2024 ҫулччен ӗҫлеме пултаракан халӑх вилнин кӑтартӑвӗсене чакарма тата медицина организацийӗсенче пуçламăш медицинӑпа санитари пулӑшӑвне паракан кадр дефицитне пӗтерме палӑртать.
Аса илтеретпӗр, "Сывлӑх сыхлавӗ" наци проектне Раҫҫей Президенчӗ Владимир Путин хушнипе туса хатӗрленӗ.
https://www.bashinform.ru/news/nacproject/2023-01-27/u-zhiteley-bashkirii-vpervye-vyyavleny-bolee-176-tysyach-zabolevaniy-blagodarya-dispanserizatsii-3121122

Сӑнӳкерчӗкĕ: Валерий Шахов.