Дуван район центрӗнче нацпроект шайӗнче ача-пӑча поликлиники йӗркеленет

#наци проекчĕ
Месягутово ялӗнчи ҫӗнӗ медицина учрежденийӗ 200 сехетлӗхе кӑнтӑрлахи стационарпа сменӑна ҫӳреме палӑртнӑ. Асӑннӑ проекта пурнӑҫлани Месягутово больницин поликлиникине пушатма тата Дуван районӗпе Пушкӑртстанри ҫурҫӗрпе хӗвелтухӑҫ енче ачасене сиплеме хӑтлӑ условисем йӗркелеме пулӑшӗ. Ача-пӑча поликлиникине кӑҫалах хута яма палӑртнӑ.
ПР Сывлӑх сыхлав министерствин специалисчӗсем ача-пӑча поликлиникине пӗлтӗрхи март уйӑхӗнчех тума пуҫлани ҫинчен, ӑна "Сывлӑх сыхлавӗ" нацпроектӑн "Пуçламăш сыпăка модернизаци" регионти программӑна пула тума май пурри ҫинчен каласа панă.
Специалистсем поликлиника тытӑмне консультаципе диагностика уйрӑмӗ, функциллӗ диагностика тата УЗИ кабинечӗсем, катамнез уйрӑмӗ, физиотерапипе юсав уйрӑмӗ, эндоскопи тӗпчевӗсем, рентгенодиагностиксем, ҫавӑн пекех клиникӑпа диагностика лабораторийӗн анализӗсене пухмалли тата упрамалли пӳлӗмсем, административлӑ, служба-йӑла, хуҫалӑх тата ытти те кӗрессине ӑнлантарнӑ.
ПР Сывлăх сыхлав министерствинче ача-пӑча поликлиникине диагностикӑлла медицина оборудованийӗпе, инструменчӗпе, медицина сӗтел-пуканӗпе, ҫавӑн пекех компьютерсемпе тата оргтехникӑпа пуянлатма шантарнӑ.
https://mgazeta.com/articles/natsproekty/2023-02-16/v-raytsentre-duvanskogo-rayona-v-ramkah-natsproekta-stroitsya-detskaya-poliklinika-3145914

Сăнӳкерчӗкӗ: health.bashkortostan.ru сайтран.