Ишимбайра "Культура" нацпроектпа модель библиотеки уҫӑлӗ

#наци проекчĕ

Сентябрь уйӑхӗнче Ишимбай хулинче "Культура" наци проекчӗн шайӗнче ҫӗнӗ ӑру библиотеки – Поселенисен хушшинчи тӗп библиотека уҫӑлӗ.
Пушкăрт Республикин Культура министерствин пресс-службинче "Башинформа" пӗлтернӗ тӑрӑх, ӑна пуянлатма 10,2 миллион тенкӗ, ҫав шутра федераци бюджетӗнчен 10 миллион тенкӗ уйӑрнӑ.
Библиотекӑн ҫӗнӗ площадкисенчен пӗри "ВкусоТеррия" кулинари студийӗ пулса тӑрӗ, унта килен-каян нумайне вӗренӗ: кухня ҫӗҫҫине тӗрӗс тыткаламалли хӑнӑхусенчен пуҫласа тортсене илемлетмеллине, тӗрлӗ апат-ҫимӗҫе хӑвӑрт хатӗрлесси таран.
2022 ҫул пӗтӗмлетӗвӗсем тӑрӑх республикӑра 14 модель библиотеки йӗркеленӗ. Кӑҫалхи сентябрь уйӑхӗнче тата иккӗ уҫӑлать: Белокатай районӗнче тата Ишимбайра.

https://www.bashinform.ru/news/culture/2023-04-28/v-ishimbae-otkroetsya-modelnaya-biblioteka-po-natsproektu-kultura-3237760