Пушкӑрт Республикинче ял хуҫалӑх техникине тӗпрен юсамалли цех ӗҫ тухӑҫлӑхне ӳстернӗ

#наци проекчĕ
Пушкӑрт Республикинче "Акрос РБ" ООО "Ĕҫ тухӑҫлӑхӗ" наци проекчӗн мероприятийӗсене пурнӑҫланине пӗтӗмлетнӗ. Предприяти 2022 ҫулхи кӗркунне проект ҫумне тата компетенцисен регионти центр эксперчӗсем ултă уйӑх хушшинче ĕçленĕ май пилот участокне тăватă хут ытла туса хатӗрлессине ӳстернӗ. Компани ял хуҫалӑх техникине тӗпрен юсас тата техника тӗлӗшӗнчен тивӗҫтерес, пӗрле ҫӳрекен агрегатсемпе адаптерсем тӑвас, ЧПУ токарь тата фрезерпа ӗҫлес, тимĕр листисене хатӗрлес, металлоконструкцисем тӑвас енӗпе ӗҫ тӑвать. Кун пирки ПР экономика аталанӑвӗн министрӗн пӗрремӗш заместителӗ Айрат Фахретдинов пӗлтернӗ.
- Паянхи куна Пушкӑртстанри 157 предприяти "Ĕҫ тухӑҫлӑхӗ" нацпроекта хутшӑннӑ. Унта хутшӑнни, анализ хатӗрӗсемпе тата операци ӗҫӗн диагностикипе усӑ курса, предприятири проблемӑсене тупса палӑртма май парать. Проекта пула производствӑна ӳстерме кӑна мар, сотрудниксен ӗҫне ҫӑмӑллатма та пулать, ӗҫ вырӑнӗсене меллӗ те хӑрушӑ мар тума пулать, - палӑртнă Айрат Фахретдинов.
"Акрос РБ" ООО пулӑшу ӗҫӗсен тӗп потребителӗ Пушкӑртстанри аграрисем шутланаҫҫӗ. Предприяти республикӑри ял хуҫалӑхӗн пурлӑхпа техника ресурсӗсен рынокӗнче тахăр ҫул ытла ӗҫлет. Пушкӑртстанри агропромышленноҫ комплексӗн юсавпа тивӗҫтерекен предприятийӗсен ассоциацийӗн йышне кӗрет. Унта пилот участокӗ ял хуҫалӑх техникине тӗпрен юсас енӗпе ӗҫлекен ӗҫсен шайӗнче адаптерсем тӑвассипе ҫыхӑннӑ процеса суйласа илнӗ. Диагностика пынӑ май участокра ҫивӗч вырӑнсем палӑрнӑ. Рабочисен ушкӑнне перекетлӗ производство инструменчӗсене вӗрентнӗ, предприятире татти-сыпписӗр лайӑхлатас, вӗсене пулӑшас тата аталантарас енӗпе проект офисӗ йӗркеленӗ.

https://mgazeta.com/news/natsproekty/2023-05-16/v-bashkortostane-tseh-po-kapitalno-vosstanovitelnomu-remontu-selhoztehniki-uvelichil-vyrabotku-bolee-4-raz-blagodarya-natsproektu-proizvoditelnost-truda-3260198