Бирскра нумай хваттерлӗ тӑватӑ ҫурт валли "Пушкӑрт картишне" хӑтлӑх кӗртеҫҫӗ

#наци проекчĕ

Бирскра кӑҫал "Пушкӑрт картишӗсем" комплекслӑ хӑтлӑх программи шайӗнче 8 Март урамӗнчи  36, 38, 38а, 48-мĕш ҫуртсен пӗтӗмӗшле территорийӗнче ӗҫсем пыраҫҫӗ.

ПР Кил-çурт хуçалахĕн министерствин информацийӗ тӑрӑх, паянхи куна демонтаж ӗҫӗсене пурнӑҫланӑ. Шывпа тивӗҫтермелли тата шыв кӗртмелли сетьсене, ӑшӑ сечĕсене тӗпрен юсаса пӗтернĕ, ҫул-йӗрпе тротуар бордюрĕсене вырнаҫтарнă, ҫавӑн пекех проездсене, площадкӑсене, тротуарсене гравипе тата чул катӑкӗсемпе сапса тултарнă.

Территорире ҫӗнӗ тӗрексем, ҫутаткӑҫсем лартнӑ. Ача-пӑча вӑййи хатӗрӗсем илсе килнӗ. Ӑна пухас тата вырнаҫтарас енӗпе ӗҫлеҫҫӗ.

Бирск район администрацийӗнче асфальт-бетон витӗмӗ хумалли картишсен территорийӗсен адресĕсен переченьне кӗртнине палӑртнӑ. Ҫав хушӑрах, паллах, пурӑнакансен ыйтӑвӗсемпе сӗнӗвӗсене шута илеҫҫӗ. Халӑх пухӑвӗнче пурӑнакансем программӑна хӑйсемех хутшӑнасси ҫинчен йышӑну тӑваҫҫӗ, пулас килкарти дизайн-проектне хӑйсем суйлаҫҫӗ, ӗҫ мӗнле пынине тӗрӗслеҫҫӗ тата вӗҫленӗ ӗҫе йышӑнаҫҫӗ.

 Сӑнӳкерчӗкĕ: ПР ЖКХ министерстви.

https://www.bashinform.ru/news/nacproject/2023-07-15/v-birske-blagoustraivayut-bashkirskiy-dvorik-na-chetyre-mnogokvartirnyh-doma-3341372