Пушкӑрт Республикинче 800 ҫын тӳлевсӗр пулăшу илме пултарать

#наци проекчĕ
2023 ҫулхи сентябрьтен Пушкӑрт Республикинче пилот программи шайӗнче республикӑра пурӑнакан 800 ҫынна тӳлевсӗр пулăшупа тивӗҫтерме палӑртнӑ. Кун пирки ПР Ĕҫпе социаллă хÿтлĕх министерстви пӗлтернӗ. Программа "Демографи" нацпроектӑн "Аслӑ ӑру" регион проекчӗн шайӗнче пурнӑҫланать. Ҫӗршыв правительстви ҫак системӑна 2024 ҫулта пӗтӗм Раҫҫейӗпе ӗҫе кӗртме шутлать.

"Вӑрах вăхăт пăхассине социаллӑ пулӑшу пилот проектне кӗртиччен Уфара ҫеҫ, регион бюджечӗн шучӗпе ҫеҫ тивӗҫнӗ. Хальхи вӑхӑтра унпа 218 уфимец усӑ курать. Ку таранччен асăннă пулӑшӑва тӳлевсӗр те, уйрӑм е тулли тӳлев условийӗсенче те панӑ пулсан, халӗ, Пушкӑртстана пилот регионӗсене, инвалидсене тата ватӑ граждансене, килти социаллӑ пулӑшӑва тивӗҫтерекен граждансене, тӳлевсӗр пӑхса усрамалли системӑна кӗртме пултараҫҫӗ", - ӑнлантарнă ведомство пуҫлӑхӗ Ленара Иванова.

Ведомствӑра ӑнлантарса панӑ тӑрӑх, йӑлари пулӑшу ӗҫӗсем эрнере 28 сехетчен (кунне 4 сехетчен, канмалли кунсене кӗртсе) туса пыма палӑртаҫҫӗ, вара килти пулӑшу ӗҫӗсем, яланхи пекех, эрнере 2 хут пулӑшу парасси ҫинчен шухӑшлаҫҫӗ.

Пилот программине ӗҫе кӗртнӗ май тата тепӗр пысӑк ҫӗнӗлӗх сиксе тухать. Тӑванне (е ют пулăшу кирлӗ ҫынсене) пӑхакан ҫынсем, хатӗрленӳ хыҫҫӑн, халӑха социаллӑ пулӑшу парас ӗҫе организацилеме, ҫав шутра тулли мар ӗҫ кунӗпе ӗҫлеме пултараҫҫӗ.
Сăнÿкерчĕкĕ: ПР Ĕçпе социаллă хÿтлĕх министерстви.

https://www.bashinform.ru/news/nacproject/2023-09-06/v-bashkirii-800-zhiteley-smogut-poluchit-besplatnyy-dolgovremennyy-uhod-3422234