Пушкӑртра Пелепей-Николаевка-Туймазă-Бакалă трассăн икӗ участокне юсанӑ

#наци проекчĕ
Пушкӑртра Пелепей-Николаевка-Туймазă-Бакалă трассăн икӗ участокне "Хӑрушсӑр пахалӑхлӑ ҫулсем" нацпроект шайӗнче юсанӑ. Кун пирки регион Транспорт тата ҫул-йӗр хуҫалӑхӗн министерствин пресс-службинче пӗлтернӗ.

Подрядлӑ организаци Кальшальпе Карамалы-Губеево хушшинчи ҫула тата Кендектамак ялӗ витӗр иртекен участока юсанӑ. Вӗсен пӗтӗмӗшле тӑршшӗ пилĕк километр пулать.

"Пелепей — Николаевка — Туймазă — Бакалă ҫулӗ Пушкӑртстан тӗрев сетьне кӗрет. Трасса халӑх пурӑнакан вырӑнсен транспорт ҫыхӑнӑвне тивӗҫтерет. Ку ҫул тӑрӑх муниципалитетсем хушшинчи маршрутсем ҫӳреççĕ, - ӑнлантарнӑ Транспорт тата ҫул-йӗр хуҫалӑхӗн министерствинче. — Асӑннӑ участоксенче ҫул ҫинчи асфальт витӗмне ҫӗнетнӗ, чарӑну площадкисене йӗркелес ӗҫе пурнӑҫланӑ, ҫул хӗррисене ҫирӗплетнӗ, разметка сарнӑ".

Аса илтеретпӗр, "Хӑрушсӑр пахалӑхлӑ ҫулсем" наци проектне Раҫҫей Президенчӗ Владимир Путин хушнипе туса хатӗрленӗ.
Сӑнӳкерчӗкĕ: Пушкӑрт Транспорт тата ҫул-йӗр хуҫалӑхӗн министерствин пресс-служби.

https://www.bashinform.ru/news/nacproject/2023-09-08/v-bashkirii-otremontirovali-dva-uchastka-trassy-belebey-nikolaevka-tuymazy-bakaly-3425401