Пушкӑртра ача сачĕсен нянисен курсне пухаççĕ

#наци проекчӗ
Няня е воспитатель помощникӗн специальноҫне тӳлевсӗр илме пулать, - пӗлтернӗ Пушкӑрт ӗҫ тата социаллӑ хӳтлӗх министрӗ Ленара Иванова.
Вӗрентӗве "Демографи" наци проектĕнчи "Ĕҫпе тивӗҫтерме пулӑшасси" федерацин проект шайӗнче ирттереҫҫӗ.
Тӳлевсӗр вӗренес тесен "Работа России" порталта заявка памалла.
Икӗ программӑпа та 72 сехет вĕренмелле пулать. Занятисене куҫăн тата куçăн мар формӑпа ирттереҫҫӗ.
Вӗренӳ программисем ҫинчен тӗплӗнрех ĕçпе тивĕçтерекен службăра пӗлме пулать.
Аса илтеретпӗр, "Демографи" наци проектне Раҫҫей Президенчӗ Владимир Путин хушнипе туса хатӗрленӗ.
Чи кирлӗ профессисем тӑрӑх тӳлевсӗр вӗренме, ҫав шутра ятарлӑ ҫар операцине хутшӑннӑ çар ӗҫ ветеранӗсем те пултараҫҫӗ.

"Демографи" наци проекчӗн шайӗнче пурнӑҫлакан "Ĕҫпе тивӗҫтересси" федераци проекчӗ 2021 ҫултанпа ӗҫлет. Ӑна граждансен чи вӑйсӑр категорийӗсене пулӑшу пама палӑртнӑ, ӗҫрен кӑларас хӑрушлӑх умӗнче тӑракан компанисемпе организацисен сотрудникӗсене, 50 ҫултан аслӑрах ҫынсене тата пӗчӗк ачаллӑ хӗрарӑмсене кӗртнӗ.

Раҫҫей правительстви вӗренӳ организацийӗсен тӑкакӗсене грант пулӑшнипе саплаштарать. Федераци бюджетӗнче ҫак тӗллевсем валли 2023 ҫулта 10,7 миллиард ытла тенкӗ пӑхса хӑварнӑ.

https://www.bashinform.ru/news/nacproject/2023-10-17/v-bashkirii-provoditsya-nabor-na-kursy-nyan-dlya-detsadov-3480770