Благовещенск район больницинче хальхи томограф ӗҫлеме тытăннă

#наци проекчĕ

Благовещенскри тĕп район больницинче ҫӗнӗ компьютер томографӗ ӗҫлеме тытăннă, пӗлтерет Пушкӑрт сывлӑх сыхлав министрӗ Айрат Рахматуллин хӑйӗн телеграм-каналӗнче.

Сывлӑх сыхлав министерствин пуҫлӑхӗ палӑртнӑ тӑрӑх, аппарат медицина учрежденийӗсенче питӗ кирлӗ, мӗншӗн тесен организмра малтанхи тапхӑрта патологи улшӑнӑвӗсене тупса палӑртма май парать. Ҫакӑ тӗрӗс диагноз лартма тата вӑхӑтра сипленме май парать. Халӗ Благовещенскра пурӑнакансем хула тулашне тухмасӑрах пысӑк тухӑҫлӑ тӗрӗслев иртме пултараҫҫӗ.

Кӑҫал Благовещенскри тĕп больницара ҫавӑн пекех васкавлӑ медицина пулӑшӑвӗ памалли автомобильсем, гинекологи кольпоскопӗ, УЗИ аппарачӗ, пиҫӗ эндоскопсене типӗтмелли тата упрамалли хатӗрсем илнӗ.

"Эпир хамӑрӑн медицина учрежденийӗсене хальхи диагностика оборудованийӗпе пуянлататпӑр. Ҫакӑ республикӑра пурӑнакансене юрӑхлӑ тата пахалӑхлӑ медицина пулӑшӑвӗ памалли ҫул ҫинче пӗлтерӗшлӗ картлашкасенчен пӗри. 2023 ҫулта "Сывлӑх сыхлавӗ" нацпроектпа хуласемпе ялсене хальхи техникӑн тӑватӑ пин ытла единицине тăрататпӑр", - пӗтӗмлетнӗ сывлӑх сыхлав министрӗ.

Сăнÿкерчĕкĕ: Айрат Рахматуллин телеграм-каналӗ.

https://www.bashinform.ru/news/nacproject/2023-10-29/esche-v-odnoy-rayonnoy-bolnitse-bashkirii-zarabotal-sovremennyy-tomograf-3497381