2024 ҫулта Пушкӑртстанра халӑха ӗҫпе тивӗҫтермелли службӑн системине ҫӗнетеҫҫӗ

#наци проекчĕ
2024 ҫулта Пушкӑртстан Республикинче Раҫҫей Президенчӗ Владимир Путин пуҫарнипе пурнӑҫланакан "Демографи" нацпроект шайӗнче ӗҫпе тивĕçтерекен мӗнпур центрсене ҫӗнетеҫҫӗ. Ҫӗнӗ офиссем "Работа России" кадр центрӗсен форматӗнче ӗҫлӗҫ.
Ҫӗнетӗве Раҫҫей Ĕç министерствин проекчӗн шайӗнче ирттереҫҫӗ. Пушкӑрт Республики конкурс суйлавӗн итогӗсем тӑрӑх ӗҫпе тивӗҫтерекен службӑна комплекслӑ модернизацилес енӗпе пилот регионӗсен шутне кӗнӗ. Ҫак тӗллевсем валли 760 млн тенкӗ, ҫав шутра 426 млн тенкӗ – Раҫҫей бюджетӗнчен ярса параҫҫӗ.
Пуҫарӑва пурнӑҫлама хатӗрленме Пушкӑртстанри мӗнпур хуласемпе районсенче халӑха ӗҫпе тивӗҫтермелли пӗрлӗхлӗ республика центрӗ йӗркеленӗ. Муниципалитетсенче пулас кадр центрӗсене вырнаҫтармалли вырӑнсене палӑртнӑ, унта ӗҫлеме 700 ытла специалист вӗрентнӗ. Пӳлӗмсенче "пӗр чӳрече" принципӗпе ӗҫлекен хальхи офиссем туса хурӗҫ. Кун пирки республикӑри ҫемье, ӗҫ тата социаллӑ хӳтлӗх министрӗ Ленара Иванова пӗлтернӗ.

Пушкӑртстан Республикинчи Çемье, ӗҫ тата социаллӑ хӳтлӗх министерстви.
https://svetput.ru/news/natsionalnye-proekty/2023-11-16/v-2024-godu-v-bashkortostane-moderniziruyut-sistemu-sluzhby-zanyatosti-naseleniya-3522869