Пушкӑртра креативлӑ индустрисен сферинче 34 пин ҫын ĕçлет

#наци проекчĕ
Пушкӑртра пурӑнакансем 34 пин ытла креативлӑ индустрисен сферинче ӗҫлеҫҫӗ, вӗсенчен 14 пине яхӑн экономика ӗҫ-хӗлӗн субъекчӗсем шутланаҫҫӗ. Кун пирки ПР предпринимательлӗх тата туризм министрӗ Рустем Афзалов Уфара "ЭКСПО" курав комплексӗнче пӗрремӗш хут иртнӗ креативлӑ индустрисен форумӗнче пӗлтернӗ. Мероприятие "Пӗчӗк тата вӑтам предпринимательлӗх тата уйрӑм предпринимательлӗх пуҫарӑвне пулӑшу парасси" наци проекчӗн шайӗнче йӗркеленӗ.
Форумӑн тӗп мероприятийӗ "Пушкӑртстанра предприниматель ӗҫӗ-хӗлӗ евӗр креативлӑ индустрисене аталантарасси" пленум дискусси пулса тӑнă.
Ҫавӑн пекех форум шайӗнче визажистпа стилистика, парикмахер ӑсталӑхӗ, актер ӑсталӑхӗ, вокал тата пушкӑрт эстрадин ҫӑлтӑрӗсен музыка инструменчӗсемпе, 3D-пичет, моделировани т. ыт. те ӑсталӑх класĕсем иртнĕ.
Креативлӑ индустрисен шутне кинематографи, архитектура, сӑнарлӑ тата театр искусстви, мода, дизайн тата реклама кӗреҫҫӗ.
Сăнÿкерчĕкĕ: pravitelstvorb.ru

https://www.bashinform.ru/news/nacproject/2023-12-01/v-bashkirii-v-sfere-kreativnyh-industriy-zanyaty-34-tysyachi-chelovek-3548819