Пушкӑртра общество территорийӗсене хӑтлӑх кӗртнӗшӗн сасӑлаççĕ

#наци проекчĕ
Пуш уйӑхӗн 15-мӗшӗнчен пуҫласа 17-мӗшӗччен пӗтӗм Раҫҫейри сасӑлав вӑхӑтӗнче Пушкӑрт ҫыннисем 2025 ҫулта хӑтлӑх кӗртекен общество территорийӗсене суйласа илӗҫ. Кун пирки регион ЖКХ министерствин пресс-службинче пӗлтернӗ.
Федерацин "Пурӑнмалли ҫурт-йӗр тата хула хутлӑхӗ" наци проекчӗн "Хӑтлӑ хула хутлӑхне йӗркелесси" программи шайӗнче пурӑнакансем мӗнле парксене, скверсене, ҫуран ҫӳремелли зонӑсене, ҫыран хӗррисене вӗсен хулисемпе ялсенче чи малтан йӗркене кӗртмеллине хӑйсем палӑртаҫҫӗ.
"Пирӗн общество анлӑхне улӑштарас енӗпе пӗрлехи пысӑк ӗҫ хӑтлӑх кӗртме территорисем суйлассинчен пуҫланать. "Хӑтлӑ хула хутлӑхне йӗркелесси" программа халӑх хутлӑхӗ пулса тӑчӗ. Ачасем тахҫанах ӗмӗтленнӗ ачасен площадкине ӑҫта тӑвассине ҫынсем хӑйсемех палӑртаҫҫӗ: чупма тата канма парк тумалла е пушхир территорине уҫӑлса ҫӳреме тата туссемпе тӗл пулма хӑтлӑ сквера улӑштармалла", - палӑртнă Пушкӑртстанри ЖКХ министрӗ Ирина Голованова.
Юлашки пилӗк ҫул хушшинче республикӑра общество территорийӗсене тирпей-илем кӗртес енӗпе пысӑк ӗҫ туса ирттернӗ. "Хӑтлӑ хула хутлӑхне йӗркелесси" программӑна пула 683 общество территорине пӗтӗмӗшле 7 миллиард тенкӗлĕх хӑтлӑлатнӑ. Вӗсенчен 91% - федераци бюджечӗн укҫи-тенки.
Аса илтеретпӗр, Раҫҫей Президенчӗ Владимир Путин йышӑннипе ҫак анлӑ проекта 2030 ҫулччен тӑснӑ.

Сӑнӳкерчӗкĕ: Валерий Шахов.

https://www.bashinform.ru/news/nacproject/2024-03-07/bashkiriya-progolosuet-za-blagoustroystvo-obschestvennyh-territoriy-3672738