Нацпроект йĕркипе Нефтекамскра бульвара хӑтлӑх кӗртеҫҫӗ

#наци проекчĕ

Нефтекамскра ҫак бульвар "Курайӑн çичӗ ҫеҫки" ятлӑ пулӗ, мӗншӗн тесен ҫӗнӗ общество территорийӗн концепцийӗ пӗрлӗхпе аталану теми ҫинче никӗсленсе тӑрать.

ПР Çурт-йӗрпе коммуналлӑ хуҫалӑх министерствин пресс-служби пӗлтернӗ тӑрӑх, Нефтекамскра Социалистическая урамран пуҫласа Строительсен урамне çитиччен Юбилейный проспектра вырнаҫнӑ общество анлӑхне юсаса ҫӗнетесси тата хӑтлӑх кӗртесси Раҫҫей Президенчӗ пуҫарнӑ "Пурӑнмалли çурт-йӗр тата хула хутлӑхӗ" наци проекчӗн шайӗнче иртӗҫ.

Бульвара ҫичӗ функциллӗ зонӑна пайласси паллӑ ӗнтӗ, вӗсенчен пӗринче тӑнӑҫлӑхпа шайлăха пӗлтерекен ӳсентӑранлӑ зона пулать. Ҫилтен мӗнле хӳтӗленмелли ҫинчен те шухӑшланă. Ҫакна тума ҫуран ҫӳремелли кукӑр-макӑр ҫулсем, ҫутҫанталӑк барьерӗсемпе архитектура элеменчӗсем туса хураҫҫӗ. Бульвар хулари ҫынсемпе хӑнасемшӗн илӗртӳллӗрех пултӑр тесе, кунта типӗ фонтан лартма шутланă.

Хула администрацийӗн специалисчӗсем ҫӗнӗ общество уҫлӑхӗ Нефтекамскри хӑтлӑ территорисен пӗрлехи рекреаци сечӗн пайӗ пулма пултарасса шанаҫҫӗ, ӑна пысӑк пӗлтерӗш кӳреҫҫӗ тата канма тата йӑпанма ҫӗнӗ майсем уҫса параҫҫӗ.

Сăнӳкерчӗкӗ: house.bashkortostan.ru сайтран.

https://mgazeta.com/articles/natsproekty/2024-03-14/v-neftekamske-po-natsproektu-blagoustroyat-bulvar-3681375