#наци проекчĕ
Пушкӑртра "Сывлӑх сыхлавӗ" наци проектне пурнӑҫланине пула хальхи оборудованипе больницӑсемпе поликлиникӑсене пуянлатасси малалла пырать.
Сӑмахран, регион Сывлӑх сыхлав министерствинче пӗлтернӗ тӑрӑх, ҫӗнӗ цифра маммографĕ Уфари Демăри хула клиника больницине килнӗ.
Маммографи — пӗчӗк доза рентген пайӑркипе сӗт парне тӗпчени. 40 ҫултан аслӑрах хӗрарӑмсемшӗн ҫакӑ диагностикӑлла тӗпчевсенчен пӗри. Ҫӗнӗ оборудовани эксплуатацире шанчӑклӑ, сӑнӳкерчӗкӗн пысӑк пахалӑхне тивӗҫтерет, ҫавӑн пекех рентген пайӑркин дози сахал.
"Сывлӑх сыхлавӗ" нацпроект тӑрӑх юлашки пилӗк ҫул хушшинче Пушкӑртра тӗрлӗ медоборудованин 10 пин ытла единици, ҫав шутра "йывӑрри" — 22 компьютер томографӗ, 10 магнитпа резонанс томографӗ, ҫичӗ ангиограф тата шыçă чирĕсене сиплеме виҫӗ линейнӑй ускоритель туяннă.