Пушкӑртстанра сывӑ пурнӑҫ йӗрки ҫинчен халӗ автобусра та пӗлме пулать

#наци проекчĕ
Пушкӑрт Республикин Сывлӑх сыхлав министерствипе Республикӑри общество сывлӑхӗпе медицина профилактики "Башавтотранс" предприяти пулӑшнипе ҫӗнӗ видеопроект хута янӑ. Асӑннӑ пуҫару "Демографи" наци проекчӗн шайӗнче, ҫӗршыври демографи лару-тӑрӑвне лайӑхлатма тата сывӑ пурнӑҫӑн вӑрӑмӑшне тăсма чӗнсе палӑртнӑ. Халӗ муниципалитет автобусӗсенче сывӑ пурнӑҫ йӗрки ҫинчен роликсем кӑтартӗҫ.
Хула автобусӗпе ҫӳрени сывлӑхшӑн усӑллӑ пулӗ - ҫул ҫинче пассажирсем роликсенчен тӗрӗс апатланмалли тата специалистсен ӑслӑлӑх даннӑйӗсемпе рекомендацийӗсене шута илсе хатӗрленӗ сывӑ пурнӑҫ йӗркине тытса пыни ҫинчен пӗлме пултараҫҫӗ.
Видеороликсене Уфа общество транспорчӗн 160 маршручӗ ҫинче кӑтартаҫҫӗ. Ку вӑл хула ҫыннисене сывлӑхшӑн тӑрӑшни ҫинчен пӗлтерекен пӗлтерӗшлӗ информаци хулари кирек хӑш вырӑнта та тенӗ пекех усӑ курма пултарнине, халӑхӑн сывӑ йӑлисене йӗркелеме тата пурнӑҫ пахалӑхне ӳстерме лайӑх майсем туса панине пӗлтерет.
- Эпир ҫак акци халӑх сывлӑхне упраса хӑварас енӗпе пӗлӳ шайне ӳстерессе тата ҫынсене кулленхи пурнӑҫӗнче сывлӑх тата ырлӑх уссипе улшӑнусем тума хавхалантарасса шанатпӑр, - каласа панă Республикӑри общество сывлӑхӗпе медицина профилактикин тӗп врачӗ Алиса Мамаева.

Пушкӑрт Республикин Сывлӑх сыхлав министерстви.
https://svetput.ru/news/natsionalnye-proekty/2024-05-06/v-bashkortostane-uznat-o-zdorovom-obraze-zhizni-teper-mozhno-i-v-avtobuse-3754821