Уфара Ҫемье аллейи пулӗ

#наци проекчĕ

Пушкӑртра общество анлӑхне активлӑ хӑтлӑх кӗртесси малалла тӑсӑлать. Сӑмахран, Уфари Демский районӗнче, "Яркий" микрорайонра Ҫемье аллейи туса хурӗҫ, пӗлтернӗ тӗп хулан мэрийĕн пресс-службинче.

Ячӗллӗ йывӑҫсенчен тӑракан аллея йӑлана кӗнӗ хаклӑхсен тӗслӗхӗ пулса тӑрӗ: ҫемье, ӑрусен улшӑнӑвӗ, Тӑван çӗршыва тата ху пурӑнакан вырӑна юратни. Паянхи куна ĕç ушкӑнне йӗркеленӗ, вырӑнне суйласа илнӗ, унта геодезистсене памалли мерӑсем ирттернӗ. Аллея проектне туса хатӗрленӗ, визуализациленӗ.

Йывӑҫсене сентябрь пуҫламӑшӗнче лартма палӑртнӑ.

"Проект столицӑри ытти микрорайонсенче ҫемье аллейисем йĕркелес енӗпе хула йӑли-йӗрки пуҫланасса организаторсем шанаҫҫӗ. Тӗп шухӑш - ҫемье хӑйӗн йывӑҫне пӑхасси, ҫак "эстафетӑна" ӑруран ӑрӑва парасси. Уйрӑмах Çемье çулталӑкĕнче активлӑ проект пулса тӑрать", - палӑртнă Уфа администрацийӗнче.

123 общество территорийӗсене кӑҫал "Пурӑнмалли ҫурт-йӗр тата хула хутлӑхӗ" нацпроектӑн "Хӑтлӑ хула хутлӑхне йӗркелесси" федераци проекчӗпе хӑтлӑх кӗртеҫҫӗ. Ку проекта Раҫҫей Президенчӗ Владимир Путин йышӑннӑ тӑрӑх пурнӑҫлаҫҫӗ.

 

Сăнÿкерчĕкĕ: Уфа мэрийӗн пресс-служби.