Пилӗк ҫул хушшинче Пушкӑртра нацпроектсем пурнӑҫлама 172 миллиард тенкӗ янӑ

 

#наци проекчĕ

 

Пушкӑрт Пуҫлӑхӗ Радий Хабиров республикӑра ҫӗршыв президенчӗ пуҫарнӑ наци проекчӗсене пурнӑҫлани ҫинчен социаллӑ сетьсенче каласа панӑ. Вӑл нацпроектсем хӑйсен тӗллевӗсене уҫҫӑн палӑртнине, вӗсен ҫитӗнӗвӗсене тума май пуррине пурне те панине палӑртнă.

"Пушкӑрт 14 наци проектне хутшӑнать, вӗсен шайӗнче эпир хамӑрӑн регион проекчӗсене пурнӑҫлатпӑр. Вӗсем тӗрлӗ сфера – вӗренӳпе сывлӑх сыхлавӗн, культура, спорт, экологи, пурнӑҫ валли хӑтлӑ хутлӑх туса хурасси, предпринимательлӗхе аталантарасси тата ытти нумай сферӑна пырса тивеҫҫӗ", - палӑртнă Радий Хабиров.

Пӗтӗмӗшле илсен, пилӗк ҫул хушшинче, 2019 ҫултан пуҫласа 2023 ҫулччен, республикӑра нацпроектсем пурнӑҫлама 172 миллиард тенкӗ, ҫав шутра 116,7 миллиард тенкӗ – федераци бюджетӗнчен кайнă. Ҫак укҫапа шкулсемпе ача сачӗсем, больницӑсем, поликлиникӑсем туса лартнӑ, ҫулсене юсанӑ, ҫынсене пурăнма юрăхсăр ҫурт-йӗртен куҫарнӑ, хуласемпе ялсенче общество анлӑшне хӑтлӑлатнӑ.

 

"2024 ҫулта "пӗрремӗш тапхӑрти" нацпроектсем валли 36,2 миллиард тенкӗ, çав шутра федераци бюджетӗнчен 22,7 миллиард тенкӗ чухлӗ уйӑрнӑ. Эпир ҫав вӑхӑтра кӑҫал Владимир Владимирович Путин пӗлтернӗ ҫӗнӗ наци проекчӗсене пурнӑҫлама хатӗрленетпӗр. Малта пирӗн республикӑра пурӑнакансен ырлӑхӗшӗн ӗҫ нумай", - палӑртнӑ Пушкӑртсен Пуҫлӑхӗ.

Сӑнӳкерчӗкĕ: Валерий Шахов.