Пушкӑрт компанийӗ туризм проектне гаранти пулӑшӑвӗпе пурнӑҫлать

#наци проекчĕ

"Риал" ООО пилĕк ҫул хушшинче Пушкӑртстанри Нуриман районӗнче "Деревня" кану базине тума палӑртнӑ.

ПР правительствин пресс-центрӗ пӗлтернӗ тӑрӑх, Пушкӑртстанри Гаранти фончӗ пӗчӗк яваплӑхлă обществӑна 22,5 млн тенкӗлӗх шантару панӑ. Асӑннӑ тивӗҫтерӗве пула организаци банкра туризм проектне пурнӑҫлама 45 млн тенкӗлӗх кредит илнӗ. "Пӗчӗк тата вӑтам предпринимательлӗх тата уйрӑм предпринимательлӗх пуҫарӑвне пулӑшу парасси" наци проекчӗн шайӗнче пулӑшу мерине палӑртнӑ, ӑна регион пуҫлӑхӗ Радий Хабиров уйрӑмах тимлӗ пурнӑҫлать.

"Риал" ООО Нуриман районӗнче "Деревня" кану базине тӑвас енӗпе илнӗ проекта инвестици хывать, ӑна пилĕк ҫул хушшинче пурнӑҫлама палӑртаҫҫӗ. Хальхи вӑхӑтра Павловка ялӗнчи ултă гектар лаптӑкӗнче шывпа электроснабжени ӗҫӗсем ирттереҫҫӗ, ҫавӑн пекех интернет - телефон ҫыхӑнӑвӗсене вырнаҫтараҫҫӗ.

2029 ҫул вӗҫлениччен кану никӗсӗнче  эко-модульлӗ 100 ҫурт тума, ҫавӑн пекех ресторансем, спорт комплексӗ, бассейн, термӑсем, ача-пӑча вылямалли тата уҫӑлса ҫӳремелли вырӑнсем уҫма палӑртнӑ.

 Сăнӳкерчӗкӗ: pravitelstvorb.ru сайтран.

https://mgazeta.com/articles/natsproekty/2024-09-10/kompaniya-bashkirii-s-garantiynoy-podderzhkoy-realizuet-turisticheskiy-proekt-3923839