Пушкӑртра "Раҫҫей ĕҫӗ" модульлӗ 10 кадр центрӗ туса хурӗҫ

 

#наци проекчĕ

Модульлӗ конструкцисем тума Пушкӑртстан 147 млн ытла тенкӗ янӑ. ПР Правительствин пресс-службинче пӗлтернӗ тӑрӑх, "Демографи" нацпроект пулӑшнипе "Раҫҫей ĕҫӗ" модульлӗ кадр центрӗсем кадр центрӗсен стандарчӗсемпе офис анлӑшне йӗркелеме май паман хуласемпе районсенче пулӗҫ.

 

"Халӗ ӗнтӗ модульллĕ центр Дуван районӗнчи Месягутово ялӗнче тӑваҫҫӗ. Контрактсем тунӑ, Пишпÿлек, Буздяк, Мишкин тата Туймазă районӗсенче модульсене инженерипе техника тӗлӗшӗнчен тивӗҫтермелли сетьсене ҫыхӑнтармалли схемӑна хатӗрлесси тата унпа килӗшсе татӑласси пырать. Ҫавӑн пекех çӗнӗ ҫуртсенче Иглин, Аургазă, Бакалă тата Благовар районӗсенче ӗҫпе тивӗҫтерекен служба клиенчӗсене тивӗҫтерӗҫ", — пӗлтернӗ Пушкӑртстанри халӑхӑн ӗҫ тата социаллӑ хӳтлӗх министрӗн тивĕçĕсене пурнăçлакан Ленара Иванова.

 

Пушкӑртстан ҫӗршыври 12 субъект шутӗнче халӑха ӗҫпе тивӗҫтерекен центрсене комплекслӑ модернизацилес енӗпе пилот проектне суйласа илнӗ. Республикӑри ӗҫпе тивӗҫтерекен службӑн пӗтӗм сетьне ҫӗнетме - ку вӑл 69 точка тӗрлӗ шайри бюджетсенчен 680 млн ытла тенкӗ уйӑрнӑ. Халӗ 13 районта юсав ӗҫӗсем центрсенче вӗҫленнӗ, йышӑну пырать, ултă районта ҫуртсене тӗпрен юсаҫҫӗ, кӑҫал юсанӑ хыҫҫӑн 28 ҫӗнетнӗ ӗҫ центрне "Раҫҫей ĕҫӗ" брендпа уҫма хатӗрленеҫҫӗ. Кадр центрӗсен ӗҫне йӗркелеме ҫӗнӗ майсем пӗр тӗслӗхпе йӗркеленсе тӑракан офис уҫлӑхӗсене ҫеҫ мар, ĕç шыракансемпе ӗҫ паракансем валли те - онлайнпа офлайн формачӗсене те - ӗҫе кӗртеҫҫӗ.

 

Сăнÿкерчĕкĕ: ПР правительствин сайчӗ.