Пушкӑрт кăркка какайĕ Африкӑна "ишсе кайнӑ"

 

#наци проекчĕ

Мелеуз предприятийӗ Бенин Республикине 27 тонна шăнтнă кӑркка ашĕнчен ҫурма фабрикатсене экспортланӑ. Хӗвеланӑҫ Африкӑри патшалӑх Пушкӑрт предприятийӗн продукцине туяннӑ Конго Республика хыҫҫӑн Африка континенчӗн иккӗмӗш ҫӗршывӗ пулса тӑнă, Пушкӑрт тӑрӑхӗнчи Раҫҫей Ял хуҫалӑх надзорӗн управленийӗн пресс-службинче пӗлтернӗ.

Пушкӑрт кăркка какайне Санкт-Петербурга ӑсатнă, унтан тинӗс транспорчӗпе Африкӑна каять.

Ҫулталӑк пуҫламӑшӗнчен Африка континентне кӑркка какайӗнчен пурӗ 108 тонна таякан тӑватӑ çурма фабриката экспортланӑ. Вӗсенчен виҫӗ партине Конго Республикине тата пӗр партине – Бенина ӑсатнă.

Экспорт умӗн РФ Патшалӑх чиккинче тата транспортра специалистсем суйласа илнӗ аш-какай продукцийӗ Раҫҫей Ял хуҫалӑх надзорĕн Пушкӑрт тӗрӗслев лабораторийӗнче туллин сӑнаса тӗрӗсленӗ тата ҫӗршыв-импортер требованийӗсене тивӗҫтерет. Продукци партине 5Е экспорт ветеринари сертификатне панӑ, надзор ведомствинче хушса хунӑ.

Аса илтеретпӗр, "Тивӗҫлӗ те тухӑҫлӑ ӗҫ тата ӑнӑҫлӑ предпринимательлӗх" наци тӗллевӗ шайӗнче "Пӗтӗм тӗнчери коопераци тата экспорт" наци проекчӗ пурнӑҫланать.

Сăнÿкерчĕкĕ: Раҫҫей Ял хуҫалӑх надзорĕн управленийӗн пресс-служби.