Пушкӑртра 123 общество территорине хӑтлӑх кӗртеҫҫӗ

#наци проекчĕ

2024 ҫулта Пушкӑртстанра "Пурӑнмалли ҫурт-йӗр тата хула хутлӑхӗ" нацпроектӑн "Хӑтлӑ хула хутлӑхне йӗркелесси" федераци проекчӗпе 123 общество территорине пӗтӗмпе 1,2 миллиард тенкӗлĕх хӑтлӑх кӗртеҫҫӗ, тесе пӗлтернӗ ПР правительствинче.

 

Программа республикӑри халӑх пурӑнакан 67 пунктра пурнӑҫланни паллӑ. Регионти влаҫ органӗ пӗлтернӗ тӑрӑх, юлашки пилĕк ҫул хушшинче 683 общество территорине ҫӗнетнӗ. 2023 ҫулта çеҫ Пушкӑрт ҫӗрӗнче 123 общество анлӑхне хӑтлӑлатнӑ.