Аургазă районӗнче Узян шывӗ урлӑ хывнӑ кӗпере тӗпрен юсаҫҫӗ

#наци проекчĕ

"Хӑрушсӑр пахалӑхлӑ ҫулсем" наци проектне пурнӑҫланӑ май Бишкаин ялӗ ҫывӑхӗнчи Узян шывӗ урлӑ хывнӑ кӗпере тӗпрен юсаҫҫӗ.

Нормативлӑ лару-тӑрӑва 39 погонлӑ метр тӑршшӗ пӗр вӗҫлӗ кӗпер сооруженине кӗртме палӑртнӑ. Подряд организацийĕ кӗпер патне пымалли ҫулсене пӑхса тухать.

 

- Кӗпер Толбазă – Краснусольский ҫулӗ ҫинче вырнаҫнӑ. Ку туризм ҫул-йӗрӗ. Ҫул пӗр ятлă курортпа, ҫавӑн пекех сиплӗ те сӑваплӑ ҫӑлкуҫсемпе паллӑ Краснусольский ялне илсе каять. Ҫавӑнпа та трафик кунта ҫителӗклӗ пысăк тата ҫул-йӗр юхӑмне хутшӑнакансене пурне те хӑрушсӑр ҫул-йӗрпе тивӗҫтермелле, - каласа панӑ Пушкӑрт Республикинчи транспорт тата ҫул-йӗр хуҫалӑхӗн министрĕн тивĕçĕсене пурнăçлакан Любовь Минакова.

 

Кӗпере юсанӑ вӑхӑтра кӗперпе ҫӳреме чараҫҫӗ. Подрядчиксем çул çÿреме тивӗҫтерме вӑхӑтлӑха çаврăм ҫулне йӗркеленӗ. Ун тӑрӑх светофорпа ҫӳреме пулать. Пур ӗҫе те 2026 ҫулта вӗҫлеме палӑртнӑ.