Нацпроект енӗпе Пушкӑртра ҫула графикран маларах юсаса пĕтернĕ

 

#наци проекчĕ

Пушкӑртри Чекмагуш районӗнче "Хӑрушсӑр пахалӑхлӑ ҫулсем" наци проекчӗ шайӗнче Кушнаренково – Чекмагуш – Бакалă çула графикран маларах юсаса пĕтернĕ. Нормативлӑ йӗркепе Новобалтачево ялӗнчен Байбулатово еннелле 3,5 ҫухрӑм тӑршшӗ лаптӑк илсе килнӗ, кунта асфальт-бетон витӗмне ҫӗнетнӗ, ҫул хӗррисене ҫирӗплетнӗ, разметка хывнӑ, пӗлтерет Пушкӑрт правительствин пресс-служби.

Пушкӑрт транспорт тата ҫул-йӗр хуҫалӑхӗн министрӗн тивĕçĕсене пурнăçлакан Любовь Минакова каланӑ тӑрӑх, ҫак ҫул-йӗр республикӑн ҫул-йӗр тытӑмне кӗрет. Ҫул виҫӗ район райцентрӗсене пӗрлештерет, ҫавӑнпа трафик кунта ҫителӗклӗ пысăк – кунне 2700 ытла автомобиль. Юсав трасса тӑрӑх хӑрушсӑр ҫӳреме май парать. 2025 ҫулта асӑннӑ ҫулӑн ытти участокӗсене юсама палӑртнӑ.

 

Сӑнӳкерчӗкĕ: Пушкӑрт правительстви.