Пушкӑртстан ҫӑнӑх экспортне виҫӗ хут ӳстернӗ

#наци проекчĕ

Республика аграрийӗсем Пушкӑрт Республикинчи Раҫҫей Ял хуҫалӑх Надзорӗн управленийӗн пресс-служби пӗлтернӗ тӑрӑх, тирпейленӗ продукцие ытларах та ытларах экспортлаҫҫӗ.

Чикӗ леш енне продукцие "Пӗтӗм тӗнчери коопераци тата экспорт" наци проекчӗн шайӗнче турттараҫҫӗ.

Сӑмахран, республикӑри ҫӑнӑх экспорчӗ ҫулталӑкра виҫӗ хут ӳснӗ — 12,5 пин тонна, 2023 ҫулта 4,3 пин тонна пулнă. Регион предприятийӗсем тырă тирпейленин продукцине - тулӑ тата ыраш ҫӑнӑхне Азербайджана, Арменине, Грузине, Казахстана, Туркменине тата Узбекистана ăсатнӑ.

Пушкӑртстан тӗнчери 44 ҫӗршыва аграри продукцине экспортланӑ. Сентябрь вӗҫĕнче пӗлтернĕ тӑрӑх, республика АПК продукцине 450 пин тонна ытла, 218 млн долларлăх экспортланӑ. Кун пирки "Ылтӑн кӗркунне" Раҫҫейри агропромышленноҫ выставкинче Пушкӑртстан Правительствин премьер-министрӗн ҫумӗн – ял хуҫалӑх министрӗн тивĕçĕсене пурнăçлакан Ильшат Фазрахманов пӗлтернӗ.

Хыпар ҫӑлкуҫӗ тата сӑнӳкерчӗкĕ: https://bash.news/news/232931-baskiriia-v-tri-raza-uvelicila-eksport-muki