Пушкӑртри кивӗ аллейӑна ҫӗнӗ пурнӑҫ кӗртнӗ

#наци проекчĕ
Салават хулинче Батыр аллейăна хӑтлӑлатнӑ, пӗлтернӗ Пушкӑрт ЖКХ министерствинче .
Хулан тӗп аллейине тĕпрен ҫӗнетме "Пурӑнмалли ҫурт-йӗр тата хула хутлӑхӗ" наци проекчĕн "Хӑтлӑ хула хутлӑхне йӗркелесси" федераци проекчӗпе йӗркелеме май килнӗ.
Ӗҫ хакӗ 65 млн тенкӗ ытла. Батыр аллейинче вӑйӑпа спорт зонисем, ҫутӑ, канмалли вырăнсем тата фонтан вырнаҫтарнă. Кунсӑр пуҫне Салават Юлаевӑн бюстне те реставрациленӗ.

"Ӗлӗк ку аллейӑра асфальтпа ватӑ йывӑҫсем ҫеҫ пулнӑ. Халӗ вӑл Салаватра пурӑнакансемпе хӑнасене хăй патне туртакан вырӑн. Кунта халӗ вӑйӑ площадки, спорт комплексӗ пур, шахматла вылямалли сӗтелсем лартнӑ. Батыр аллейинче пур ҫулсенчи çынсем валли те кану зонисем тунă. Автолюбительсем валли аллейӑн кӑнтӑр енче машина лартмалли вырӑнсене хушма йӗркеленӗ", - каласа панӑ Пушкӑртӑрти ЖКХ министерствин пресс-службинче.
Общество уҫлӑхӗ илемлӗрех кӑна мар, хӑрушсӑртарах та пулса тӑнă. Ачасен активлӑ вӑййисен вырăнĕсене кунта резина витмепе палӑртнӑ. Пӗтӗм территорипе видеонаблюдени камерисене тата ҫутатмалли паллӑ тунӑ.

Аса илтеретпӗр, "Пурӑнмалли çурт-йӗр тата хула хутлӑхӗ" наци проекчӗн тӗп тӗллевӗсенчен пӗри - хула хутлӑхӗн хӑтлӑхне ӳстересси. Наци проекчӗсене Раҫҫей Президенчӗ Владимир Путин йышӑннӑ тӑрӑх 2019 ҫултанпа пурнӑҫлаҫҫӗ.
Сӑнӳкерчӗкĕ: Пушкӑртри ЖКХ министерствин пресс-служби.

https://www.bashinform.ru/news/nacproject/2024-11-08/v-staruyu-alleyu-v-bashkirii-vdohnuli-novuyu-zhizn-4000327