Пушкӑрт ҫыннисене "Раҫҫей шывӗ" акцие хутшӑнма чӗннӗ

#наци проекчĕ

Апрельтен пуҫласа ҫӗршывӑн пур регионӗнчи пек, Пушкӑрта та, "Раҫҫей шывӗ" юханшывсен ҫыранӗсене ҫӳп-ҫапран тасатас енӗпе пысӑк акци пуçланать. Кун пирки "Башинформ" агентствӑри ҫавра сӗтеле хутшăннă май ПР ҫутҫанталӑкпа усӑ куракан тата экологи министрӗн ҫумӗ Шамиль Фаррахов пӗлтернӗ.

Пӗтӗм Раҫҫейри акци октябрьччен тӑсӑлать. Сӑмах май, 2024 ҫулта Пушкӑрт Республики Пӗтӗм Раҫҫейри "Раҫҫей шывӗ" акци итогӗсен шутне кӗнӗ регионсем хушшинче хисеплӗ виҫҫӗмӗш вырӑн йышӑннă. Пӗлтӗр ҫак акцие 112 пин волонтер хутшӑннӑ. Вӗсем 5 пин километр ытла ҫыран хӗррине ҫӳп-ҫапран тасатнӑ.

Пулас "Раҫҫей шывӗ" акцие хутшӑнас тесен хӑвăрăн хула е район администрацине, е Пушкӑртри Çутҫанталӑкпа усӑ курмалли тата экологи министерствине каймалла.

"Раҫҫей шывӗ" акци – волонтерсен экологи пуҫарӑвӗсенчен пӗри. Ӑна 2014 ҫултанпа "Экологи" наци проектне пурнӑҫланӑ шайра ирттереҫҫӗ.

https://www.bashinform.ru/news/nacproject/2025-03-28/zhiteley-bashkirii-priglasili-k-uchastiyu-v-aktsii-voda-rossii-4176977