Пушкӑртра волонтерсем Кандрыкуль кӳлли хӗррине ҫӳп-ҫапран тасатнӑ

#наци проекчĕ

«Кандры-Куль» ҫутҫанталӑк паркӗнче Пӗтӗм Раҫҫейри «Раҫҫей шывӗ» акци шайӗнче субботник иртнӗ. Унта 300 ытла ҫын хутшӑннӑ, тесе пӗлтернӗ Пушкӑрт Экологи министерствин пресс-службинче. Мероприятие «Экологи ырлӑхӗ» наци проекчӗн шайӗнче ирттернӗ.

Темиҫе сехет хушшинче волонтерсем Кандрыкуль кӳллин 2,5 ҫухрӑмне пӗтӗмпех тасатнӑ. Вӗсем 120 михӗ тӗрлӗ ҫӳп-ҫап: пластик савăтсем, упаковка материалӗсем, кӗленче юлашкисем тата ытти те. ПР ҫутҫанталӑкпа усӑ курмалли тата экологи министрӗн ҫумӗ Инна Антонова каланӑ тӑрӑх, субботник тата интереслӗ событи те пулса тӑнӑ. Çÿп-çап тасатнисĕр пуҫне доброволецсем экологи викторинине хутшӑннă та «Курай чечекӗ» флешмоб ирттернĕ. Лайӑх кӑмӑл-туйӑмпа авӑрланса, вӗсем усӑллӑ каннă.

Аса илтеретпӗр, Раҫҫей Президенчӗ Владимир Путин пуҫарнипе 2025 ҫулта пуҫарнӑ «Экологи ырлӑхӗ» наци проектне тавралӑх хутлӑхне упрама янӑ.

Сӑнӳкерчӗкĕ: Пушкӑрт Экологи министерстви.

https://www.bashinform.ru/news/nacproject/2025-05-23/v-bashkirii-volontery-ochistili-ot-musora-berega-ozera-kandrykul-4247726