Пушкăртри МСП субъектсем социаллӑ предприятин статусне ҫирӗплетме пултараҫҫӗ

#наци проекчĕ

ПР Предпринимательлӗх тата туризм министерстви 2025 ҫулта социаллӑ предприятин статусне ҫирӗплетес е пӗрремӗш хут илес текенсен пӗчӗк тата вӑтам бизнес субъекчӗсенчен документсем йышӑнать.

ПР правительствин пресс-центрӗ ӑнлантарса панӑ тӑрӑх, июнӗн 1-мӗшӗччен маларах панӑ статуса ҫирӗплетекенсене документаци параҫҫӗ, статус илме вара ҫӗнӗ социаллӑ предпринимательсем ҫулталӑк хушшинче ыйтма пултараҫҫӗ.

ПР предпринимательлӗх тата туризм министрӗ Зухра Гордиенко кӑҫалхи майăн 10-мӗшӗ тӗлне республикӑра 609 социаллӑ предприятие регистрацилени ҫинчен каласа панӑ. Вӑл каланӑ тӑрӑх, ҫак статус пурри "Тухӑҫлӑ тата конкурентлӑ экономика" наци проекчӗн шайӗнче ятарлӑ пулӑшу мерисемпе усӑ курма май парать. Вӗсем хушшинче патшалӑх пурлăхне арендӑлас, гаранти тата микрофинанс пулӑшӑвӗ илес енӗпе ҫӑмӑллӑхсем тата ыттисем те.

 

Сăнӳкерчӗкӗ: pravitelstvorb.ru сайтран.