Пушкӑртра Аксеново—Аксаково—Пелепей ҫулӑн 1,5 ҫухрӑмне юсанӑ

#наци проекчĕ

Пелепей районӗнче Аксеново — Аксаково — Пелепей ҫулӗн 1,5 километрне юсанӑ тесе пӗлтернӗ Пушкӑртстан транспорт тата ҫул-йӗр хуҫалӑх министерствин пресс-службинче.

Надеждино ялӗнчи Центральная урамри ҫул лаптӑкне «Пурнӑҫ валли инфраструктура» наци проекчӗпе килӗшӳллӗн юсаҫҫӗ. Рабочисем кивӗ сие фрезерациленӗ, тикӗслекен сий тата асфальт-бетон сарнӑ, ҫавӑн пекех ҫул хӗррисене ҫирӗплетнӗ. Ҫитес вӑхӑтра ҫул-йӗре паллӑ тума палӑртнӑ.

Надеждинора халӑх йышӗ 700 ҫынран иртет. Ҫак авалхи ялта Аксаковсен ҫемйин ҫурт-музейӗ вырнаҫнӑ, вӑл культура палӑкӗ шутланать.

«Ҫак ҫул участокне юсани вырӑнти ҫынсемпе туристсене валли хӑрушлӑхсӑр тата хӑтлӑ ҫул туса парӗ», — тесе палӑртнӑ регионти Транспорт министерствин пуҫлӑхӗ Любовь Минакова.

Асӑннӑ участокри мӗнпур ӗҫе 2025 ҫулта вӗҫлеме палӑртнӑ.

Сӑнӳкерчӗкĕ: Пушкӑртстан Транспорт министерствин пресс-служби.

https://www.bashinform.ru/news/nacproject/2025-07-24/v-bashkirii-otremontirovali-1-5-km-dorogi-aksenovo-aksakovo-belebey-4324990