Пушкӑртстанри Шаран районӗнче нацпроект шайӗнче 5,5 ҫухрӑм ҫула юсанӑ

#наци проекчĕ

Пушкӑртстанри Шаран районӗнче «Пурнӑҫ валли инфраструктура» наци проекчӗ шайӗнче Шаран − Новобалтачево – Андреевка ҫулӑн 5,5 километр тӑршшӗ участокне юсанӑ.

Пушкӑртстан Республикин правительствин пресс-центрӗ пӗлтернӗ тӑрӑх, ӗҫсем икӗ участока пынă: пӗри Старочикеево ялӗ ҫывӑхӗнче, тепри — Старотумбагушево тата Новые Карьявды ялӗсем хушшинче. Юсав вӑхӑтӗнче ҫул-йӗрҫӗсем асфальтпа бетон сийне улӑштарнă, ҫул хӗррисене ҫирӗплетнĕ, паллӑсем тунă.

Пушкӑртстан Республикин транспорт тата ҫул-йӗр хуҫалӑхӗн министрӗ Любовь Минакова каланӑ тӑрӑх, çак ҫул Илиш, Шаран тата Чекмагуш районӗсенчи нумай-нумай пӗчӗк ялсене пӗрлештерет. Вырӑнти халӑх та унпа район центрӗсене — Шаран тата Верхнеяркеево ялӗсене — кайма усӑ курать. Министр палӑртнӑ тӑрӑх, ирттернӗ юсав пур ҫыншӑн та ҫул-йӗр хӑрушсӑрлӑхне, хӑтлӑхне ӳстерӗ.

Сӑнӳкерчӗкĕ: pravitelstvorb.ru сайтран.

https://mgazeta.com/articles/natsproekty/2025-08-01/v-sharanskom-rayone-bashkirii-v-ramkah-natsproekta-otremontirovali-5-5-km-dorogi-4335180