Патшалӑх пулӑшӑвӗ Бирскра пурӑнакан хӗрарӑма ҫемье ӗҫне анлӑлатма май панӑ

#наци проекчĕ

Бирскра пурӑнакан Светлана Попова «Ҫемье» наци проекчӗ шайӗнче килти ҫурма фабрикатсем хатӗрлекен бизнесне аталантарма 350 пин тенкӗ патшалӑх пулӑшӑвӗ илнӗ.

Социаллӑ контракт Светланӑна цеха анлӑлатма, кирлӗ оборудовани: холодильник, морозильник, аш арманӗ, электроплита, чуста ҫӑрмалли хатӗр туянма май панӑ, çакă продукци ассортиментне анлӑлатма пулӑшнӑ. 

Пушкӑртстанри ҫемье, ӗҫ тата халӑха социаллӑ хӳтлӗх паракан министр Ленара Иванова, ҫулталӑк пуҫланнӑранпа республикӑра пурӑнакансен бизнес-пуҫарӑвӗсене 265 млн ытла тенкӗлӗх ырланине палӑртнă. «Ҫемье» нацпроект шайӗнче 827 ҫын хӑйӗн бизнесне уҫнӑ е пысӑклатнӑ. Кӑҫал тӗрлӗ енӗпе пурӗ 3 пин ытла контракт тунӑ.

 

Сăнÿкерчĕкĕ: ПР правительстви.