Уфари Ленин ячӗллӗ паркра 304 йывӑҫа форма панӑ

#наци проекчĕ

Нацпроект шайӗнче реконструкци кӑҫалхи ҫу уйӑхӗнче пуҫланнӑ, вӑл 2026 ҫулхи юпа уйӑхӗнче вӗҫленмелле.

Уфара Ленин ячӗллӗ парка анлӑ ҫӗнетес ӗҫ малалла пырать. Коммуналлӑ хуҫалӑхпа хӑтлӑх управленийӗн информацийӗ тӑрӑх, паянхи куна паркра 114 ҫутӑ юпине, 18 пин «тӑваткал» брусчаткӑна, 6,66 пин погонлӑ метр бордюрсене сӳтнӗ, 304 йывӑҫа калӑпласа каснӑ.

Тӑватӑ асӑну орденӗн гранит никӗсӗсене тата хупписене реставрациленӗ. Чечек йӑранӗсемпе вазонсенчен, фонтансенчен гранит япаласем илнӗ.

Тренажерсем лартмалли виҫӗ площадка тунӑ.

 

Пурнӑҫланинче ҫаксем:

- гранит пусмасен реставрацийӗ,

- парапетсене термикӑлла тирпейлени,

- МАФсем валли территорисем хатӗрлени тата «Заповедник» МАФ валли никӗс хывни,

- ҫӑлсем валли канализаци, шыв, автошăвару пӑрӑхӗсене тата тимӗр-бетон ункӑсене монтаж туни,

- электрика валли хывнӑ элементсене монтажлани,

- чупмалли (800 м² ытла) тата ҫуран ҫӳремелли (1600 м² ытла) сукмаксем валли бетон никӗс хатӗрлени,

- видеосӑнав системисен материалне кӳрсе килни.

Парка «Пурнӑҫ валли инфраструктура» наци проекчӗн «Хӑтлӑ хула хутлӑхне йӗркелесси» программипе килӗшӳллӗн хӑтлӑлатаҫҫӗ. Подрядчик ҫу уйӑхӗнче ĕçлеме тытӑннӑ, ӗҫсене туса пӗтериччен парка ҫын ҫӳремешкӗн хупнă.