Пушкӑртстанри ҫичӗ шкул ҫӗнӗ оборудовани илнӗ

#наци проекчĕ

«Ҫамрӑксемпе ачасем» наци проектне пурнӑҫа кӗртнипе Пушкӑртстанри Зилаир районӗнчи ҫичӗ шкул ӗҫ кабинечӗсем тата тӑван ҫӗршыв хӑрушсӑрлӑхĕпе хӳтлĕх никӗсĕсем валли хатӗрленӗ ҫӗнӗ оборудовани илнӗ. Кун пирки район администрацийӗнче пӗлтернĕ.  

Сӑмах Зилаирти, Юлдыбайри, Юмагужинӑри, Ямансазӑри, Ивано-Кувалатри тата Матраевӑри шкулсем пирки пырать. Халӗ кунта Калашников автомачӗпе Макаров пистолечӗн макечӗсем, алӑ гранатисем, ҫавӑн пекех пӗтӗмӗшле ҫар хӳтӗлев комплекчӗсемпе противогазсем пур. Ӗҫ пӳлӗмӗсенче хӳтӗлев экранӗллӗ верстаксем, лазерпа касакан станоксем, кӗтес хӑйракан машинӑсем, йывӑҫран ҫунтармалли приборсем, манекенсемпе ҫӗвӗ машинисем вырнаҫтарнă.

 

«Ҫамрӑксемпе ачасем» нацпроект ҫамрӑксен таланчĕсене аталантарма тата  хӑйсем тӗллĕн пурнӑҫлама майсем туса пама тӗллев лартнӑ. Нацпроект центрӗнче - шкулсем туса юсасси, педагогсен квалификацине ӳстересси, вӗрентӗвӗн ҫӗнӗ методикисене тата вӗренме хӑтлӑ условисем туса парасси. Нацпроект ҫавӑн пекех тӗнче шайӗнчи кампуссен тытӑмне аталантарма тата «Приоритет 2030» программӑпа аслӑ шкулсене пулӑшма палӑртать. 

Ҫӗнĕ нацпроектсем РФ Президенчӗ Владимир Путин йышӑнӑвӗпе 2025 ҫултанпа пурнӑҫланаҫҫӗ.