Чишмари сахӑр завочӗ «Халяльпе» Ази пасарӗсене çул тытать

#наци проекчĕ

Федерацин Атӑлҫи округӗнче кӑшман сахӑрӗ туса илессипе малта пыракансенчен пӗри «Чишма сахӑр завочӗ» хӑйӗн пӗтӗм продукцийӗ валли «Халяль» сертификатне илнӗ. Ҫакӑ предприятие Азири мусульман ҫӗршывӗсене экспорта анлӑлатма майсем уҫать, тесе пӗлтерет ПР Ял хуҫалӑх министерствин пресс-служби.

Заводӑн коммерци директорӗ Ирина Маркеева палӑртнӑ тӑрӑх, сертификата Казахстанри, Узбекистанри, Таджикистанри тата Туркменистанри партнерсем ырласа йышӑнаҫҫӗ ӗнтӗ. Вӗсенчен нумайӑшӗ маларах хӑйсен продукцине маркировкӑлама ҫакӑн пек ҫирӗплетессипе кӑсӑкланнӑ. Сертификат пурри шанӑҫа ҫирӗплетӗ, заводӑн конкурентлӑхне ӳстерӗ.

Ассоциаци «Халяль» стандартпа панӑ документ пӗтӗм производство процесӗ — чӗр тавартан пуҫласа технологи таран — ислам ыйтнине тивӗҫтерме шантарать, чарнӑ компонентсемпе усӑ курассине шута илмест.

Ҫак пулӑм «Пĕтĕм тĕнчери коопераци тата экспорт» наци проекчӗн тӗллевӗсемпе килӗшсе тӑрать, унӑн тӗп тӗллевӗ-АПК продукцийӗн экспортне ӳстересси тата ҫӗнӗ пасарсене алла илесси.

Сӑнӳкерчӗкĕ: agriculture.bashkortostan.ru сайтран.

https://mgazeta.com/articles/natsproekty/2025-11-14/chishminskiy-saharnyy-zavod-s-halyalem-natselilsya-na-rynki-azii-4467964