Пушкӑрт пылне Сербире ыйтаççĕ

#наци проекчĕ

Пушкӑртстанри Раççей ял хуçалăх надзорĕн управленийӗ 2025 ҫулхи декабрĕн 10-мӗшӗнче Уфари экспортер предприяти Сербие экспортлама хатӗрленӗ 20,3 тонна ҫутҫанталӑк хурт пылне тӗрӗсленӗ.

Пыл партийӗ кӑҫал ҫулталӑк пуҫланнӑранпа Пушкӑртстанран Балкана тиенӗ виҫҫӗмӗш пулнă. Сербине реализациленӗ чечек нектарӗн пӗтӗмӗшле йывӑрӑшӗ 81,2 тонна пулнӑ.

Уфа предприятийӗ экспорт сертификацине иртнӗ те «Цербер» ФГИСри экспортерсен реестрне кӗнӗ. Палӑртнӑ вырӑна ҫитиччен Пушкӑрт пылĕ автотранспортпа Евросоюз ҫӗршывӗсем урлӑ транзитпа каять.

«Экспорта каяс умӗн пыл лаборатори тӗрӗслевӗсене туллин иртнӗ, вăл ҫӗршыв-импортер ыйтнине тивӗҫтерет. Продукци партине «Ecert» тытӑмра 5G экспорт ветеринари сертификатне панӑ», — хушса каланӑ надзорнӑй ведомствӑра.

«Тивӗҫлӗ те тухӑҫлӑ ӗҫ тата ӑнӑҫлӑ предпринимательлӗх» наци тӗллевӗ шайӗнче «Пӗтӗм тӗнчери коопераци тата экспорт» наци проекчӗ пурнӑҫланать.

Сăнÿкерчĕкĕ: «Башинформ» ИА / архив.

https://www.bashinform.ru/news/nacproject/2025-12-16/bashkirskiy-med-polzuetsya-sprosom-v-serbii-4508041