Пирĕн Çĕнтерÿ кунĕ

Атăлçи федераллĕ округра Аслă Отечественнăй вăрçăра çĕнтернĕренпе 75 çул çитнине халалланă масштаблă акци пуçланнă. «Пирĕн Çĕнтерÿ кунĕ» акцие Атăлçи федераллĕ округри РФ Президенчĕн полномочиллĕ представителĕн аппарачĕ пуçарса янă — юрă марафонĕ регионта пурăнакансене пĕр халăх коллективне пĕрлештерет. Регион-участниксем чи паллă «Çĕнтерÿ кунĕ» юрра юрласа эстафетăна пĕр-пĕрне параççĕ. Çак юрра ахальтен суйласа илмен, унăн авторĕсем — Давид Тухманов композитор тата Владимир Харитонов поэт — халӑх паттӑрлӑхӗн аслӑлӑхне, çывăх çынсене çухатнин ыратăвне кăтартса параççĕ тата хăйсен пурнăçĕсене хунă миллион-миллион ентешсене паттӑрлӑхшăн тав тăваççĕ. Çак аслă уявăн гимнĕ пулса тăнă юрăшăн ку юбилей çулĕ — 45 çул каярах вăл пĕрремĕш хут янăранă.

«Пирĕн Çĕнтерÿ кунĕ» юрă марафонĕ февраль пуçламăшĕнче Мордовинче старт илнĕ. «Çĕнтерÿ кунĕ» юрра Саранскри тата муниципаллĕ районсен чи лайах пултарулăх коллективĕсем, Мордови Республикин халăх тата тава тивĕçлĕ артисчĕсем, çамрăксем, волонтерсем юрланă.

Атăлçи федераллĕ округра пултарулăх коллективĕсем юрланине февральте — март пуçламăшĕнче, самоизоляци режимне кĕртиччен, çыртарнă. Паян çак чи юратнă юрра Атăлçи федераллĕ округра пурнăнакан халăхсен чĕлхипе юрлани уйрăмах чуна пырса тивет. Республикăсемпе облаçсен пултарулăх коллективĕсем юрланине апрелĕн 25-мĕшĕнчен пуçласа майăн 8-мĕшĕччен вырăнти телеканалсенче кăтартаççĕ. Кашни кун акцие çĕнĕ регион хутшăнать. Çĕнтерÿ кунĕ, майăн 9-мĕшĕнче, çак юрра марафона хутшăннă мĕнпур коллективсем юрлĕç. Вĕсем юрланине социаллă сетьсенче #песнипобедыПФО #нашденьпобеды хэштегпа тата ютубра тупма пулать.

Читайте нас: