Уфари Максим Серафимов ячӗллӗ 40-мĕш шкул çине унӑн чысӗпе асӑну хӑми уҫнă

Пӗлӳ кунӗнче Раҫҫей Геройӗ, ҫак шкултан вӗренсе тухнӑ Максим Серафимов ячӗллӗ Уфари 40-мĕш вӗренӳ центрӗнче ун ячӗпе асӑну хӑмине чаплӑн уҫнă. Герой вӗренекен класра унӑн ячĕллĕ парта лартнă. Церемоние Пушкӑртстан Пуҫлӑхӗ Радий Хабиров, ПР Правительствин пӗрремӗш вице-премьерӗ Азат Бадранов, Уфа мэрĕ Ратмир Мавлиев, ПР Пуҫлӑхӗн патриотла воспитани парас ыйтусемпе советникӗ Валентин Солодовник, герой ашшӗ-амӑшӗсем – Алина Олеговнапа Владимир Викторович Серафимовсем, педагогсем, вӗренекенсемпе вӗсен ашшӗ-амӑшӗсем хутшӑннӑ. Уяв митингне хутшӑнакансем Герой ячӗпе асӑну хӑми умне чечексем хунă.
"Башинформ" информацийĕпе.
Сăнÿкерчĕкĕ: Азат Мухамедьянов.