Тайма пуҫӑм, тӑнӑҫлӑхшӑн тата канӑҫлӑхшӑн

Июнӗн 22-мӗшӗнче Çирĕклĕре Асăнупа хурлӑх кунне халалланӑ митинг иртнӗ.
Тӑван çӗршывӑн Аслӑ вӑрҫинче пуçне хунă воинсен обелискӗ патне ял ҫыннисем, хӑнасем, ял администраци ӗҫченӗсем, ял клубӗпе библиотека специалисчӗсем пухӑннӑ.
Митингра тухса калакансем 1941 ҫулхи ҫӗртме уйӑхӗн 22-мӗшӗнче пӗтӗм Совет халӑхӗ Тӑван çӗршыва хӳтӗлеме пӗр шухӑшласа тӑмасӑрах тӑнине аса илтернĕ. Эпир вӗсен паттӑрлӑхне нихҫан та манмӑпӑр. Тайма пуҫӑм, тӑнӑҫлӑхшӑн тата канӑҫлӑхшӑн вӗҫӗ-хӗррисӗр тав тӑватпӑр вӗсене!
Митинга хутшӑнакансем ҫав хӑрушӑ вӑрҫӑран таврӑнманнисене пурне те асӑнса, Тӑван çӗршывӑн Аслӑ вӑрҫинче пуçне хунă салтаксен обелискĕ умне чечексем хунă.

Сăнÿкерчĕкĕсем: Çирĕклĕри Культура çурчĕн социаллă сетьри страницинчен.
https://vk.com/club135580128