Декабрӗн 3-мӗшӗ - Паллӑ мар салтак кунӗ

Декабрӗн 3-мӗшӗнче Паллӑ мар салтак кунӗ, пирӗн патшалӑх историйӗнчи паллӑ кун. Ҫак кун 1966 ҫулта Александровский сада Тӑван çӗршывӑн Аслӑ вӑрҫи ҫулӗсенче пуçне хунă паллӑ мар салтак вилтăприне куҫарнӑ.
Пишпÿлекре Паллӑ мар салтак кунне халалланӑ асӑну митингӗ иртнӗ. Мероприятие Пушкӑртстанри Патшалӑх Пухӑвӗн- Курултайăн депутачӗ Рамиль Бадамшин, Пишпÿлек район администрацийӗн пуҫлӑхӗ Артур Зарипов, районти ветеранӗсен Канашӗн, çар тӑванлӑх представителӗсем тата шкулта вӗренекенсем хутшӑннӑ. Митингра пулнӑ ҫынсем шкулсенче вӗренекенсене сăмах каланă, ҫак кун историне каласа панӑ, Паллӑ мар салтак кунӗн пӗлтерӗшне палӑртнӑ.
Митинга хутшӑнакансем Тӑван çӗршыва хӳтӗленӗ чухне вилнӗ паллă мар салтаксене асӑнса, Ҫӗнтерӳ паркӗнчи палӑк умне чечексем хунă.
Сăнÿкерчĕкĕсем: Пишпÿлек район администрацин социаллă сетьри страницинчен.
https://vk.com/officialbiz