Хушăлкара Тӑван çӗршывӑн Аслӑ вӑрҫинче Çӗнтерӳ 79 ҫул ҫитнине халалланӑ митинг ирттернĕ

2024 ҫулхи майӑн 7-мӗшӗнче Хушăлкара Ҫӗнтерӳ паркӗнче Тӑван Ҫӗршывӑн Аслӑ вӑрҫинче Çӗнтернĕренпе 79 ҫул ҫитнине халалланӑ митинг ирттернĕ. Юнармеецсем, Н.И. Петров ертӳҫи ертсе пынипе, хисеплӗ хуралта тӑнӑ. Ял тăрăх пуҫлӑхӗ, ветерансен канашӗн председателӗ тата воин-интернационалистсем "Паллӑ мар салтак" палӑкӗ умне кӑшӑлпа чӗрӗ чечексем хунă. Митинг хыҫҫӑн Совет Союзӗн Геройӗ К.И. Степановӑн обелискĕ патне чӗрӗ чечексемпе пуҫ кӑшӑлӗ хунă, ҫавӑн пекех ял тӑрӑхӗнчи халӑх пурӑнакан ытти вырӑнсенче пур ҫӗрте те асăнса обелисксем патне пуҫ кӑшӑлӗсем хунă.

Сăнÿкерчĕкĕсем: Хушăлкари ял библиотекин социаллă сетьри страницинчен.
https://vk.com/club131542087