Пирӗн пуҫ тӑрринче хӗвел ҫутатнăшăн эпир яланах сире асра тытӑпӑр

Çирĕклĕре пуçне хунă ҫар ҫыннисен обелискӗ патӗнче 1941-1945 ҫулсенчи Аслӑ Отечественнӑй вӑрҫӑра Ҫӗнтерӳ 79 ҫул ҫитнине халалланӑ митинг пулса иртнӗ.
Чаплӑ митинга ертсе пыракансем уҫнă. Пухӑннисене пурне те чӗнсе каланӑ чухне вӗсем паллӑ тунă: 1945 ҫулхи майӑн 9-мӗшӗнчен пуҫласа чылай вӑхӑт иртнӗ ӗнтӗ, анчах эпир ҫӗнтерекенӗн ятне - халӑх ятне пӗлетпӗр, астӑватпӑр. Пирӗн Тӑван ҫӗршывӑн чылай ывӑлӗсемпе хӗрӗсем хӑйсен аслӑ ҫӗрӗшӗн хӑйсен пурнӑҫне панӑ.
Митингра Пишпÿлек район администраци пуçлăхĕн социаллӑ ыйтусемпе кадрсем енӗпе ĕçлекен ҫумӗ Данилов Алексей Александрович, Çирĕклĕ ял тӑрӑхӗн пуҫлӑхӗ Романова Людмила Ивановна саламлӑ сӑмахсем халӑх умĕнче тухса каланă.
Митинга хутшӑнакансем Аслӑ Отечественнӑй вӑрҫӑра пуçне хунисене пӗр минут хушши чӗнмесӗр тӑрса асăннă, пуҫ кӑшӑлӗсемпе чечексем хурса халалланă.
Ҫак кун пирӗн мăн асаттесен ҫирӗплӗхӗ, паттӑрлӑхӗ ҫинчен нумай сӑмах янӑранă.
Митинг тӑршшӗпе вӑрҫӑ ҫулӗсен юррисене Екатерина Васильевапа Виктор Кувшинов солистсем тата "Ҫӑлкуҫ" вокал ансамблĕ юрланă.
Пирӗн мăн асаттесемпе асаттесем тунӑ паттӑрлӑха эпир нихҫан та манмӑпӑр. Пирӗн пуҫ тӑрринче хӗвел ҫутатнăшăн эпир яланах вĕсене асра тытӑпӑр.
Тавтапуҫ сире, Аслӑ Отечественнӑй вӑрҫӑн хаклӑ ветеранӗсем!
Сăнÿкерчĕкĕсем: Çирĕклĕри ял клубĕн социаллă сетьри страницинчен.
https://vk.com/event135580128