Çирĕклĕре ҫитӗнекен ӑрӑва патриотизмла воспитани параççĕ

1941-1945 ҫулсенчи Аслӑ Отечественнӑй вӑрҫӑра Ҫӗнтернĕренпе 79 ҫул ҫитнине уявланӑ май Çирĕклĕри ял клубӗнче "Пирӗн геройсен ячĕсене кашни чӗре манман" программа иртнӗ.
Ҫӗнтерӳ салючӗн залпӗсем янӑраса кайнӑранпа 79 ҫул иртнӗ, анчах Аслӑ Отечественнӑй вӑрҫӑн Салтак - Геройӗсене асӑнса ҫав ҫулсенчи чӗрӗ свидетельсемпе хутшӑнакансем, документсемпе сӑнӳкерчӗксем урлӑ ӑруран ӑрӑва куҫаҫҫӗ. Пирӗн ентешсен ячӗсене ҫӗнтерӳ летопиҫне нумай ҫырса хунӑ.
Ертÿçĕ П.Е. Васильев тата В.Ф. Титов Совет Союзӗн Геройӗсен пурнӑҫӗпе паттӑрлӑхӗ ҫинчен каласа панă... Эпир хамӑр ентешсене асӑнса мухтанатпӑр.
Тӗлпулу вӗҫленнӗ ҫӗре хутшӑнакансем мӗн илтнине сӳтсе явнă, пӗр-пӗрне хăйсен шухӑшӗсене каласа панă. Пирӗн Тӑван çӗршывӑн историллӗ иртнӗ пурнӑҫӗ ҫинчен, историре ҫын мӗнле вырӑн йышӑнни ҫинчен чӗрӗ калаҫу пулса иртнӗ.
Ҫакӑн пек мероприятисем ачасене Раҫҫейӗн геройла иртнӗ пурнӑҫне явӑҫтарма, ҫитӗнекен ӑрӑва патриотизма воспитани пама пулӑшаҫҫӗ.

Сăнÿкерчĕкĕсем: Çирĕклĕри ял клубĕн социаллă сетьри страницинчен.
https://vk.com/event135580128