Пушкӑрт волонтерӗсем Курскра гуманитари миссине вӗҫленӗ

Халӑх фронтӗнчи ҫамрӑксен команди Курск облаҫӗнчи гуманитари миссийӗн черетлӗ сменин ĕçне пĕтĕмлетÿ тунă.

Пушкӑрт, Марий Эл тата Смоленск ҫыннисем икӗ эрне тăршшĕ эвакуациленӗ ҫынсене тата ятарлă çар операцине хутшăнакан боецсене пулӑшнӑ. Пушкӑрт Республикинчи командӑра Пушкӑрт патшалӑх аграри университечӗн тата Уфари нефтьпе техника университечӗн студенчӗсем пулнӑ. Волонтерсен пӗрлештернӗ ушкӑнӗ пӗр вӑхӑтрах ултӑ енае ӗҫленӗ.

"Маншӑн ку Курск облаҫӗнчи иккӗмӗш мисси, Пушкӑртстанри ытти çамрăксемшӗн – пӗрремӗш. Вӗсем, тем пек йывӑр пулсан та, пӗр-пӗринчен тытӑнса тӑнӑшӑн питӗ савӑнатӑп. Пирӗн пӗр тӗллев – ҫынсене май килнӗ таран пулӑшасси, эпир ӑна пурнӑҫларӑмӑр. Унсӑр пуҫне, икӗ эрне хушшинче пирӗн Пушкӑртсен командине хутшӑнакансенчен кӑна мар, ытти регионсенчен те пӗрлешӳллӗ коллектив пулса тӑчӗ", — каласа панă Пушкӑртстанри Халӑх фрончӗн Ҫамрӑксен ҫуначӗн координаторӗ Рустам Салахутдинов.

Вĕсем талӑкӗпех хӑйсен ирӗкӗпе Курск гуманитари склачӗсенче — апат-ҫимӗҫ, япала тата "Пурте ҫӗнтерӳ валли!» — ĕçленĕ. Икӗ эрне хушшинче вӗсем эвакуациленӗ ҫынсем валли 7,6 пин ытла апат-ҫимӗҫ тата гигиена пуххисем пухнӑ. 9,4 пин ытла тумтир сортланӑ, 2,5 пин мӑшӑр джинс Курск облаҫӗнчи тӗрлӗ районсене вӑхӑтлӑха вырнаҫтарнӑ тӑватӑ пункта ӑсатнӑ.

Гуманитари миссине хутшӑнакансем СВОна хутшăнакан боецсене хастар пулӑшнӑ. "Пурте ҫӗнтерӳ валли!" ятлă çар складӗнче вӗсем 1500 яхӑн РЭБ системине, тӗрлӗ йышши 3872 БПЛА, 13 мотоцикл, 400 детектор "Тень", урӑх пулӑшу 1500 ытла единицине передовоя янӑ.

Икӗ сменӑра волонтерсем Курскри ҫар госпиталӗнче ӗҫленӗ. Çамрăксем гуманитари çăкĕсене пушатнă, аманнӑ боецсем валли палатӑсем хатӗрленĕ, медицина персоналне пулӑшнă.

Доброволецсем ватӑрах тата вӑйсӑр ҫынсем валли пансионатра параллельлĕ ӗҫленӗ. Вӗсем пенсионерсене уҫӑлса ҫӳрессине тата пушӑ вӑхӑтне йӗркеленӗ. Ÿкерни, музыка тата вулав занятийӗсем ирттернĕ.

Ҫамрӑксен фрончӗн кашни хутшăнаканĕ такмед никӗсӗсемпе "Архангел" тактика хатӗрленӳ центрӗнчен вӗренсе тухнӑ та пӗрремӗш пулӑшу пама вӗреннӗ. Гуманитари миссийӗ вӗҫленнӗ хыҫҫӑн волонтерсем "Курск пӗкки" экскурси маршручӗпе ҫӳренӗ. Вӗсем "Курская битва», «Поклонная высота 269» и «Тепловская высота" мемориал комплексӗнче пулнă.